Blogaren artxiboa
Atez atekoa edo bost edukiontzi
Ondoko bideo honetan zaborra biltzeko bi moduen arteko konparaketa egiten da. Gipuzkoakoak dira datuak eta nire ustez gauza asko argitzen ditu. Kontutan hartzekoa ezbairik gabe.
Midway film: Lotsa eman beharko liguke
Midway filmak ozeano Bareako erdialdean dagoen irla batean gertatzen ari den tragediaz dihardu. Gertuen dagoen kostaldea milaka kilometrotara dago, eta albatrosak beraien kumeak elikatzen dituzte baina…
Noiz hasi behar dugu benetan 3R-ak aplikatzen, munduko txori eta animali guztiak desagertzen direnean?
3R: Murriztu, Berrerabili eta Birziklatu
Sortzen dugunarekin izan beharreko jarrera Murriztu, Berrerabili eta Birziklatu izan behar da. Hori da bidea. Orain arte bidea jarraitzen badugu mundua ez da orain arte ezagutu dugun bezelakoa izango. Eta bai gure bizimodua eta onorengoena erabat gaiztotuko da. Ezikusiarena egiten arazoa handiagotu besterik ez dugu egingo.
Txipa aldatu: Sistema aldaketa beharrezkoa da
Gure mundua ez da mugagabea baina horrela izango balitz moduan bizi gara. Etekinak lortzea da helburua ingurugiroa zaindu gabe. Gobernuek multinazionalen menpe daude eta hauen esanetara lan egiten dute. Azken hauen helburua etengabe guk kontsumitu dezagun da. Horrela etekin handiagoak lortzen dutelarik. Obsolenzentzia programatua eta obsolentzia aurreikusia dira beraien estrategiak. Lehenengoa erosi duzun hori denbora jakin bat barru ez du balioko, hau da, izorratuko da. Konpontzea oso erraza izango litzaken arren beste berri bat erostera behartzen gaituzte. Eta bigarren estrategian era psikologikoan eragiten gaituzte. Erosi duzun hori ez duela balio konbentzitzen zaituzte. Modaz kanpo dagoela esanaz adibidez.
Daukagun sistema hau lineala da. Lehengaiak naturatik atera eta berau izorratu, fabriketan eraldatu pozoi asko erabiliz, supermekatuetan guri saldu lortutako produktua eta azkenik geu erabili eta jakina bota. Birziklatzea zirudien zela sistema honen aterabidea baina hau egitea alde batetik garestia da eta bestetik produktu batzuk ezin dira birziklatu. Aldatu beharra dago beraz sistema ero hau.
Nola aldatu baina? Gutxiago kontsumituz, dauzkagun gauzak berrerabiliz eta azken neurri modura birziklatuz. Greenpeacen kontsumo eredu berri ezagunean egon liteke irtenbidea Murriztu, Berrerabili eta Birziklatu, erderazko hiru R-ak (Reducir, Reutilizar, Reciclar).
Sistema eredu hau lineala izan beharrean borobila izan beharko litzake. Ingurumena errespetatuko lukeena. Gobernuak jendearentzat lana egin eta jendearekin harremanetan egon beharko liratezke. Eta ez jauntxo batzuentzat lana egiten txotxongilo batzuen gisa. Geuk dugu hasieran aipatutako sistema hau eteteko giltza gu gabe ezin duelako aurrera egin. Eta guk eman beharko ditugu pausoak beste eredu justu baterantz. Iadanik zorionez, badago jende asko bide hori eginaz.
